Tag Archives: Ethiopian Sport

አትሌት ሻለቃ ኃይሌ ገብረስላሴ የኢትዮጵያ አትሌቲክስ ፌዴሬሽን ፕሬዚዳንት ሆኖ ተመረጠ

(አዲስ ሚዲያ) የበርካታ ዓለም አቀፍ የሩጫ ውድድር ክብረ ወሰን ባለቤት የሆነው አትሌት ሻለቃ ኃይሌ ገብረስላሴ የኢትዮጵያ አትሌቲክስ ፌዴሬሽን ፕሬዘዳንት ሆኖ ተመረጠ፡፡ ምርጫው የተደረገው ጥቅምት 25 ቀን 2009 ዓ.ም. አትሌቲክስ ፌዴሬሽኑ በጠራው ጠቅላላ ጉባኤ ሲሆን፤ በውድድሩም አቶ ተፈራ ሞላ እና አቶ ዳኛቸው ሽፈራው ተሳታፊዎች ነበሩ፡፡ በመጨረሻም የአዲስ አበባ አትሌቲክስ ፌዴሬሽንን በመወከል የተወዳደረው አትሌት ሻለቃ ኃይሌ ከነበሩት አምስት ድምፆች መካከል የዘጠኙን በማገኘት በማሸነፉ ለሚቀጥሉት አራት ዓመታት ፌዴሬሽኑን እንዲመራ በፕሬዘዳንት ተመርጧል፡፡

haile-gebreselassie

አትሌት ኃይሌ ገብረስላሴ    ( ፎቶ ክሬዲት ቢቢሲ)

ከአትሌት ሻለቃ ኃይሌ በተጨማሪ ለስራ አስፈፃሚነት አትሌት ኮሎኔል ደራርቱ ቱሉ፣ አትሌት ገዛኸኝ አበራ፣ አትሌት ገብረእግዚአብሔር ገብረማርያም በእጩነት ቀርበው ነበር፡፡ ይሁን እንጂ ለስራ አስፈፃሚነት አሸናፊ ሆኖ የተመረጠው አትሌት ገብረእግዚአብሔር ገብረማርያም መሆኑ ታውቋል፡፡

ቀደም ሲል ለሀገሪቱ የአትሌቲክ ውጤት መውረድ ከፌዴሬሽኑ በተጨማሪ በጋራ ሲሰራ የነበረው የኢትዮጵያ አትሌቶች ማኀበር አመራር የነበሩት አትሌት መሰረት ደፋር እና አትሌት ስለሺ ስህን በተለይ ከአትሌቶች ተመሳሳይ ቅሬታ ሲቀርብባቸው የነበረ ቢሆንም፤ በአዲስ ስራ አስፈፃሚ ውስጥ በድጋሚ አባል እንዲሆኑ መደረጉም ተጠቁሟል፡፡

በተለይ ባለፈው በለንደን ኦሎምፒክ እና በቀርቡ በተካሄደው የሪዮ ዲ ጄኔሪዮ ኦሎምፒክ የአትዮጵያ አትልቲክስ ዓለም አቀፍ የኦሎምፒክ ውድድር ባልተለመደ መልኩ እየቀነሰ በመሄዱና ብት ያላቸው ተወዳዳሪዎች ለውድድር ለምን አልተጋበዙም በሚል የስፖርቱ ደጋፊና አፍቃሪ እንዲሁም አትሌት ኃይሌ እና አትሌት ገብረእግዚአብሔርን ጨምሮ በርካታ ዓለም አቀፍ ስመ ጥር አትሌቶች በይፋ ቅሬታ ማሰማታቸው ይታወሳል፡፡

የአትሌት ኃይሌ ለፕሬዘዳንት መመረጥና የአትሌት ገብረእግዚአብሐየር ለስራ አስፈፃሚነት መመረጥ ከስፖርቲ ደጋፊና አፍቃሪ ኢተዮጵያውያን በተጨማሪ ከዓለም አቀፉ አትሌቲክስ ማኀበርም የእንኳን ደስ ያላችሁ ድጋፍ ተችሯቸዋል፡፡

የአለም ሻምፒዮኖቹ ኢትዮጵያዊያን አትሌቶች ለአለም ኮከብ አትሌትነት እጩ ሆኑ

የአለም ኮከብ እጩዎቹ ጥሩነሽ፣ መሐምድ እና መሰረት

athlets
የአለም አቀፉ አትሌቲክስ ፌዴሬሽኖች ማህበር ባለሞያዎች ቡድን እ.አ.አ በ2013 ዓ.ም የአትሌቲክስ ውድድር አመት አትሌቶች በሩጫ፣ ውርወራ እና ዝላይ ውድድሮች ያስመዘገቧቸውን ውጤቶች እና ሌሎች መስፈርቶችን ከግምት ውስጥ በማስገባት ባደረገው የኮከብ አትሌቶች እጩዎች ምርጫ ኢትዮጵያዊያኖቹ የረጅም ርቀት ሩጫ ድንቆች ጥሩነሽ ዲባባ እና መሰረት ደፋር፣ እንዲሁም የወቅቱ የ800 ሜትር ሩጫ ኮከብ መሀመድ አማንን ጨምሮ በወንዶች 10፣ በሴቶች 10 አትሌቶችን እጩ አድርጎ አቅርቧል።
በሞስኮ አስተናጋጅነት በተካሄደው 14ኛው የአለም አትሌቲክስ ሻምፒዮና 10 ሺህ ሜትሩን 30፡43.35 በሆነ ጊዜ በማጠናቀቅ በአለም አትሌቲክስ ሻምፒዮና ታሪክ በርቀቱ ሶስተኛዋ በአጠቃላይ ደግሞ አምስተኛዋ የሆነው የወርቅ ሜዳሊያ ያገኘችው ጥሩነሽ ዲባባ በ10 ሺህ ሜትር ርቀት ባደረገቻቸው 11 ተከታታይ ውድድሮች አንድም ውድድር አለመሸነፏ እና በ2013 ዓ.ም በተለያዩ ርቀቶች ባደረገቻቸው ውድድሮች ጠንካራ ተፎካካሪነቷን በተደጋጋሚ ለማሳየት መቻሏ ለእጩነት አብቅቷታል።
የ 2007 ዓ.ም የአለም ኮከብ መሰረት
ሌላዋ ለአለም ኮከብነቱ እጩ የሆነችው ኢትዮጵያዊ አትሌት መሰረት ደፋር በሞስኮው የአለም አትሌቲክስ ሻምፒዮና ማጣሪያውን በቀላሉ ካለፈች በኋላ በፍጻሜው ውድድር ወቅት በተለመደው አስደናቂ የአጨራረስ ብቃቷ በመታጀብ 5 ሺህ ሜትሩን 14:50.19 በሆነ ጊዜ አጠናቃ ለሁለተኛ ጊዜ በርቀቱ የአለም ሻምፒዮን ከመሆኗ በተጨማሪ አመቱ ጥንካራ ተፎካካሪዋ ጥሩነሽ ዲባባን በዳይመንድ ሊግ ያሸነፈችበት እና በተደጋጋሚ አስደናቂ ብቃቷን ያሳየችበት ሆኖ ነው የተጠናቀቀው።
እ.አ.አ በ 2007 ዓ.ም መሰረት ደፋር እጅግ በጣም ውጤታማ አመትን በማሳለፏ በአለም አቀፉ አትሌቲክስ ፌዴሬሽኖች ማህበር (IAAF) የአመቱ ኮከብ ሴት አትሌት ተብላ በመመረጥ ይሄንን ክብር ያገኘች በታሪክ ሁለተኛዋ ሴት አፍሪካዊት አትሌት ለመሆን ከመቻሏ በተጨማሪ ሶስተኛዋ ኢትዮጵያዊትም ለመሆን መቻሏ ይታወሳል። ከመሰረት በፊት ታላላቆቹ ሀይሌ ገብረስላሴ (1998 ዓ.ም) እና ቀነኒሳ በቀለ (2004 እና 2005 ዓ.ም) የአመቱ የአለም ኮከብ አትሌቶች ተብለው ተሸልመዋል።
በወንዶቹ በኩል ለኮከብ አትሌትነት ዘንድሮ እጩ ሆነው ከቀረቡት አስር አትሌቶች መካከል ብቸኛው ኢትዮጵያዊ መሀመድ አማን 2013 ዓ.ም እጅግ በጣም ስኬታማው አመት ነበር። በሞስኮው 14ኛው የአለም አትሌቲክስ ሻምፒዮና በድንቅ የአጨራረስ ብቃት 800 ሜትሩን በአለም አትሌቲክስ ሻምፒዮና ታሪክ ሶስተኛው ፈጣን ሰአት ሆኖ በተመዘገበ 1:43.31 በሆነ ጊዜ አጠናቆ ለኢትዮጵያ በታላላቅ ሻምፒዮናዎች ከ5 ሺህ ሜትር በታች በሆነ ውድድር የወርቅ ሜዳሊያ ያስገኘ በታሪክ የመጀመሪያው አትሌት የሆነው መሀመድ አማን በርቀቱ የዳይመንድ ሊግ ሻምፒዮን በመሆን በፍጹም የበላይነት ነበር የዘንድሮውን የውድድር አመት ያጠናቀቀው።
እ.አ.አ ከጥቅምት 1 ቀን 2013 ጀምሮ እስከ ፊታችን ጥቅምት 27 ቀን 2013 ዓ.ም ድረስ *የአለም አትሌቲክስ ቤተሰብ* በኢሜል መልእክቶች በሚያደርገው የድምጽ አሰጣጥ ሂደት ከፍተኛ ድምጽ የሚያገኙ ሶስት ወንድ እና ሶስት ሴት አትሌቶች ወደፍጻሜው የሚያልፉ ሲሆን፣ ከዛ በኋላ የአለም አቀፉ አትሌቲክ ፋውንዴሽን ምክርቤት የአለም ኮከብ በመሆን የሚያሸንፉት ወንድ እና ሴት አትሌቶችን መርጦ አሸናፊዎቹ እ.አ.አ ህዳር 16 ቀን 2013 ዓ.ም ሞናኮ ውስጥ በሚካሄድ ስነ-ስርአት በይፋ ይታወቃሉ።
የዘንድሮውን የአለም ኮከብ አትሌትነት ክብር ጃማይካዊያኖቹ የአጭር ርቀት ውድድር ኮከቦች ዩሴን ቦልት እና ሼሊ-አን ፍሬዘር-ፕራይስ ይወስዱታል ተብሎ ይጠበቃል።
ዩሴን ቦልት እና አሜሪካዊቷ አሊሰን ፊልክስ የ2012 ዓ.ም የወንዶች እና ሴቶች የአለም ኮከብ አትሌቶች ተብለው መመረጣቸው ይታወሳል።
ምንጭ፡- ፍስሃ ተገኝ “ቶታል 433 “ ስፖርት

%d bloggers like this: